Þegar við vorum á Íslandi í jólafríi árið 2007, þá notuðum við tækifærið til að kaupa nýju Biblíuna. Það er alltaf gaman að opna nýja Biblíu með gyllingu. Hljóðið þegar gullið brotnar þegar síðunum er flett í fyrsta skipti er sérstakt. Hins vegar brá mér nokkuð þegar ég sá að þar voru komnar bækur sem ég kannaðist við, en ekki úr Biblíum sem ég hef átt áður, hvorki íslenskar né svissneskar. Þetta voru apókrýfu bækurnar.

Við hjónin höfðum eignast þessar bækur í sérstakri bók nokkrum árum áður. Mér fannst skrítið að ritstjórnin tók sér það frelsi að bæta þó nokkuð mörgum og umdeildum bókum í Biblíuna.